Zuletel 10%

Description

Preparatın ticarət adı: “Zuletel 10%-li inyeksiya” – Zuletel 10% injectable.

İstifadə sahəsi: Preparat iri buynuzlu heyvanlarda (IBH), qoyun və keçilərdə fassiolyozlara, dikroselioza, moniezioza, diktiokaulyoza, ostertagioza, hemonxoza, trixonstrongilyoza, kooperioza, ezofaqostomoza, edemagenoza, IBH-da həmdə hipodermatoza və qoyunlarda estroza və psoroptoza qarşı tətbiq olunur.

Dərman forması və qablaşdırma: İnyeksiya üçün məhlul 20 ml, 50 ml və 100 ml, 250 ml, 500 ml və 1000 ml miqdarında şüşə flakonlarda və polimer taralarda qablaşdırılır.

Preparatın tərkibi, fəal maddə 100 ml-də: Klozantel natrium -10 q və köməkçi maddələr.

Farmako-terapevtik qrupu: Antiparazitar baytarlıq preparatı

İstifadə və dozalaşdırma qaydaları: Preparat baytar həkimin nəzarəti altında aseptika və antiseptika qaydalarına əməl etməklə, dərialtına inyeksiya edilməklə, aşağıdakı qaydalara uyğun bir dəfə tətbiq edilir: İri buynuzlu heyvanlarda (8 həftə yaşı olan və yaşlı): Trematodozlar (fassiolyoz, parafistamatoz) və Mədə- bağırsaq trematodozları, nematodozları zamanı heyvanların hər 40 kq diri kütləsinə 1 ml (hər kq diri kütləyə 2,5 mq təsiredici maddə); Telyazioz və hipodermatozlarda hər 40 kq diri kütləsinə 1 ml (hər kq diri kütləyə 2,5 mq təsiredici maddə); Qoturluq (sarkoptoz, psoroptoz) zamanı heyvanların hər 10 kq diri kütləsinə 1 ml (hər kq diri kütləyə 10 mq təsiredici maddə) hesabı ilə dozalaşdırılır. Qoyunlara (4 həftə yaşı olan və yaşlı): Fassiolyoz zamanı, nematodlara və Oestrusa qarşı heyvanların hər 20 kq diri kütləsinə 1 ml (hər kq diri kütləyə 5 mq təsiredici maddə) hesabı ilə dozalaşdırılır; Ektoparazitlərə qarşı profilaktika məqsədilə heyvanların hər 10 kq diri kütləsinə 1 ml (hər kq diri kütləyə 10 mq təsiredici maddə) hesabı ilə dozalaşdırılır. Təyin edilmiş doza Iri buynuzlu heyvanlarda 10 ml, qoyunlarda 5 ml-dən artıq olduqda, doza bölüşdürərək bir neçə yerdən inyeksiya edilməlidir. Preparat fərdi yüksək həssaslığı (allergiyası) olan, zəif və arıq heyvanlarda, sağmal heyvanlarda, boğazlığın son 1/3 döründə tətbiq edilmir.

Gözləmə vaxtı: Preparat tətbiq edildiyi axırıncı gündən 15 sutka sonra heyvanlar ətlik məqsədlə kəsilə bilərlər. Sağmal heyvanların südü müalicə dövründə və ondan 15 sutka sonrayadək qida üçün yararlı deyil.