NOKET

Description

Preparatın ticarət adı: NOKET

İstifadə sahəsi: Preparat mal-qarada və atlarda aşağıdakı xəstəliklərin müalicəsi və profilaktikası məqsədilə tətbiq olunur:

Mal-qarada: – Doğuşa bağlı iflicin dəstəkləyici müalicəsi, – Bakterial tənəffüs sistemi infeksiyalarında müvafiq etioloji müalicə ilə birlikdə ağrı və qızdırmanın aradan qaldırılması, – Kəskin kliniki mastitdən, o cümlədən qram-mənfi bakteriyaların yaratdığı kəskin endotoksik mastitdən, müvafiq etioloji müalicə ilə birlikdə sağalmanı təşviq etmək, – Doğuşa bağlı döşdəki ödemin aradan qaldırılması, – Osteoartikulyar və əzələ-skelet sistemi ağrıları, – Doğuşdan sonra ayağa qalxmağı asanlaşdırmaq üçün istifadə olunur. Atlarda: – Kəskin ağrı və iltihabla əlaqəli osteoartikulyar və dayaq-hərəkət sistemini təsir edən xəstəliklər: – Travmatik mənşəli topallıq, – Artrit, – Osteit, diz şişməsi, – Tendinit, bursit, – Navikulit, – Laminit, – Miozit. Preparat, həmçinin əməliyyatdan sonrakı iltihabın, kolikanın və hərarətin simptomatik müalicəsində istifadə olunur.
Dərman forması və qablaşdırma: inyeksiya üçün məhlul, preparat xarici görünüşcə rəngsiz və ya açıq sarı rəngli şəffaf, steril məhluldur.
Preparatın tərkibi, fəal maddə: KETOPROFEN – 100 mq
İstifadə və dozalaşdırma qaydaları: Preparat baytar həkim tərəfindən başqa cür tövsiyə edilmədiyi təqdirdə aşağıdakı dozalarda tətbiq olunur: Mal-qara: Əzələdaxili və ya venadaxili olaraq, 3 mq/kq bədən çəkisi/gün dozasında (hər 100 kq bədən çəkisi üçün praktiki olaraq gündə 3 ml) 3 günə qədər tətbiq edilir. At: Venadaxili olaraq, 3-5 gün ərzində 2,2 mq/kq bədən çəkisi/gün dozasında (hər 45 kq bədən çəkisi üçün praktiki olaraq gündə 1 ml) yeridilir. Kliniki cəhətdən zəruri və uyğun olduğu təsdiqlənməyincə, kolik hallarında təkrarlanmamalıdır. Əzələdaxili tətbiqlərdə bir nahiyəyə tətbiq 5 ml-dən çox olmamalıdır. Əməliyyatdan sonrakı ağrıları azaltmaq üçün müdaxilədən 10-30 dəqiqə əvvəl tətbiq edilməlidir. Bir aydan kiçik taylarda istifadə edilmir. Həddindən artıq dozanın qarşısını almaq üçün müvafiq şprisdən istifadə edilməli və bədən çəkisi dəqiq hesablanmalıdır.

Gözləmə vaxtı: Müalicə zamanı və son preparat tətbiqindən sonra 4 gün ərzində mal-qara kəsimə göndərilməməlidir. İnək südü üçün gözləmə vaxtı “0” gündür.